Абласны конкурс юных выканаўцаў дзіцячых школ мастацтваў «Заслаўскі сшытак» (у рамках Свята музыкі «Заслаўе – 2026». Намінацыя «фартэпіяна» (сольнае выкананне).

ЗАЦВЕРДЖАНА

Пастанова калегіі

ўпраўлення культуры

Мінскага аблвыканкама

____________________

УМОВЫ ПРАВЯДЗЕННЯ

абласнога конкурсу юных выканаўцаў дзіцячых школ

мастацтваў «Заслаўскі сшытак» (у рамках Свята музыкі «Заслаўе – 2026»

1. Абласны конкурс юных выканаўцаў дзіцячых школ мастацтваў «Заслаўскі сшытак» (далей – Конкурс) праводзіцца штогод у рамках фестываля Свята музыкі «Заслаўе».

2. Мэта конкурсу:

папулярызацыя беларускай і рускай музыкі, выяўленне і падтрымка юных выканаўцаў, развіццё іх творчых здольнасцяў у галіне выканальніцкага мастацтва, павышэнне педагагічнага і выканальніцкага майстэрства настаўнікаў і канцэртмайстараў.

3. Конкурс праводзіцца па наступных намінацыях:

2026 год– «фартэпіяна» (сольнае выкананне)

2027 год– «духавыя і ўдарныя інструменты» (сольнае выкананне)

2028 год– «струнныя смычковыя інструменты» (сольнае выкананне)

4. Месца правядзення:

Конкурс праводзіцца ў два этапы:

1 этап – аддзеламі культуры райгарвыканкамаў;

2 этап – упраўленнем культуры Мінскага аблвыканкама на базе ДУА «Заслаўская дзіцячая школа мастацтваў» Мінскага раёна.

Дата правядзення 2 этапа ўстанаўліваецца аргкамітэтам Свята музыкі «Заслаўе».

Абласны конкурс “Заслаўскі сшытак” у рамках правядзення Свята музыкі «Заслаўе», адбудзецца 6 лютага 2026 года.

5. Праграмныя патрабаванні для усіх узроставых груп:

(выконваюцца два разнахарактарные творы)

1. Твор беларускага кампазітара

2. Твор класічнай музыкі XIX — ХХ-стагоддзя.

6. Для ўдзельнікаў конкурсу па намінацыях «фартэпіяна», «струнныя смычковыя інструменты» і «духавыя і ўдарныя існтрументы» вызначаюцца тры ўзроставыя групы: малодшая, сярэдняя, старэйшая.

— Малодшая группа дзеліцца на 2 падгрупы:

I падгрупа – 7 — 8 гадоў уключна – гучанне да 6 хв.

II падгрупа – 9 — 10 гадоў уключна — гучанне да 8 хв.

сярэдняя –11 — 12 гадоў уключна — гучанне да 10 хв.

старэйшая – 13-15 гадоў уключна — гучанне да 15 хв.

7. Умовы правядзення:

— на конкурс прадстаўляюцца не больш 2-х удзельнікаў ад Барысаўскага, Дзяржынскага, Маладзечанскага, Мінскага, Слуцкага, Салігорскага раёнаў, не больш 1 удзельніка ад астатніх раёнаў і г. Жодзіна.

— у год правядзення конкурсу па намінацыі «духавыя і ўдарныя інструменты» удзельнікі падраздзяляюцца на дзве падгрупы: «драўляныя інструменты» і «медныя і ўдарныя інструменты».

Заяўкі высылаюцца дырэктарамі базавых школ раёна да 23 студзеня на электроны адрас: zaslavl.art@mail.ru з паметкай «Заслаўскі сшытак». Парадак выступлення вызначаецца аргкамітэтам.

Кантактны тэлефон ДУА “Заслаўская ДШМ” – 8017 517 50 09.

8. Выступленне канкурсантаў ацэньвае прафесійнае журы, склад якога зацвярджаецца пастановай калегіі галоўнага ўпраўлення культуры Мінскага аблвыканкама, па дзесяцібальнай сістэме.

Канчатковым вынікам ацэнкі выступлення з’яляецца сярэдні бал. У час паседжання журы знаходжанне пабочных асоб не дазваляецца.

Рашэнне журы канчатковае і не падлягае перагляду.

Пераможцы ўзнагароджваюцца дыпломамі I, II і III ступені, каштоўнымі падарункамі, граматамі за ўдзел. Граматамі адзначаюцца канцэртмайстары і выкладчыкі, падрыхтаваўшыя пераможцаў I ступені.

9. Фінансаванне выдаткаў па правядзенню конкурсу і харчаванне канкурсантаў ажыццяўляецца за кошт абласнога бюджэту.

Выдаткі на праезд настаўнікам, канцэртмайстрам і суправаджальным асобам – за кошт накіроўваючага боку.

Абласны конкурс юных выканаўцаў дзіцячых школ мастацтваў «Заслаўскі сшытак» (у рамках Свята музыкі «Заслаўе – 2026». Намінацыя «фартэпіяна» (сольнае выкананне).

Приказ для командировок

РАСПАРАДАК 2026

Спіс удзельнікаў